IKERLANen, ikasle-taldeak profesional izaten ikasten du, eta profesionalak etengabe trebatzen dira. Oro har, abangoardiako teknologiak garatu eta bultzatzen dituzte, enpresei balioa emateko eta gizartea eraldatzeko. Hori, talentua da IKERLANen.
Ingurune teknologikoan praktika ordainduak eta gradu eta master amaierako proiektuak egiten ditu, uneoro aldamenean lagun duen talde eta tutoretzarekin.
Garatu zure potentzial guztia eta gozatu zure garapen profesionala bermatzen duten erronka teknologikoz betetako ikerketa-ibilbideaz.
Egin ezazu zure doktorego-tesia industria-ingurunera bideratutako abangoardiako teknologietan, unibertsitate eta erreferentzia-zentro ospetsuetan egonaldiak eginez.
Zure egunerokoan laguntzen dizuten baldintzak eta onurak eskaintzen dizkizugu, IKERLAN esperientzia ahalik eta gehien bizi dezazun.
Ordutegi malgua izango duzu, aparteko egutegia eta telelana egiteko aukera izango dituzu. Astean behin, etxetik hurbilen duzun egoitzatik lan egin ahal izango duzu.
Zure prestakuntza osatuko dugu, pertsonalki eta profesionalki hazteko.
Kooperatibako bazkide izatera iristeko aukera izango duzu.
Oreka fisikoa eta emozionala bermatzeko planak eta prestakuntza eskaintzen ditugu.
IKERLANek aukera eman dit industrian eragin zuzena duten gai interesgarrietan doktoregai moduan espezializatzeko. Hemen giroa gaztea eta oso atsegina da, doktoregai eta ikasle askorekin, bidea askoz errazago egin didatenak. Enpresak behar dudan guztia bermatzen dit doktoregoan bete-betean jarduteko eta probetxurik handiena ateratzeko. Gainera, gainbegiratzen nauten profesional handiei esker, munduko hitzaldi handienaren artikulu onenaren saria irabazi dut nire gaian, eta hori oso azkar esaten da... Azken batean, doktoretza egiteko asmoa baduzu, egizu IKERLANen!
"Komunikazio lantaldeko kide naiz, eta gure zentro teknologikoaren 50. urteurrena koordinatzeaz eta kudeatzeaz arduratzen naiz. Zortea dut hainbat proiekturi ikuspegi sortzaile eta korporatiboagotik ekiteko, IKERLAN osatzen dugun pertsona guztiei zerbitzua emateko. Horrek aukera ematen dit hainbat alorretako pertsona askorekin ezagutu eta lan egiteko, eta horrek asko lagundu dit lehen egunetik integratzen. Nabarmendu nahi dut IKERLANek pertsona profesionalki garatzeko eta hazteko duen gaitasuna, hiru hitzetan esateko: Nahi izatea, sinestea eta sortzea."
"IKERLAN leku aproposa da ikasten ari zaren bitartean pertsonalki eta profesionalki hazteko. Biak uztartzeko malgutasuna eskaintzen du, eta, hala, ikaslea unibertsitateko ikaskuntzatik haratago joan daiteke, puntako teknologiekin eta laborategiekin benetako esperientziak biziz. Ikasleok etorkizuneko ikertzaileen harrobiaren funtsezko zatitzat hartzen gaituzte. Hori guztia agerian geratzen da hasiera-hasieratik izan dudan gertutasunean eta nire lanari emandako esker onean."
"IKERLANen ikasle bezala sartu nintzen, master amaierako lana burutzeko helburuarekin. Momentu horretan ez nuen buruan doktoretza egitea, baina laneko giro onak zein ikerketa benetako arazoetan aplikatzeko gertutasunak doktoretzarekin hastera bultzatu ninduten. Hau amaitu ostean, ikertzaile bezala hasi nintzen lanean eta gaur egun, nire lanbidea da. Taldekideen prestutasuna eta laguntzeko gogoa guztiz azpimarratzekoa da, zalantzarik gabe egunerokotasuna nabarmen errazten dutelako. Gainera, IKERLANek azken aurrerapen teknologikoen berri izatea ahalbideratzen du, kasu errealetan aplikatzeko eta sektore ezberdinetako arazoei aurre egiteko aukerarekin."
Aurkitu zure espezializazioaren lan-eskaintza aktiboak.
Hurbileko eta punta-puntako lan-ingurunea eskaintzen dugula diogunean, zertaz ari gara?
Une oro lagunduko dizun aditu-talde baten eskutik.
Murgildu zaitez egunero teknologia eta erronka desberdinetan.
Zu bakarrik azkarrago iritsiko zara baina taldean urrunago iritsiko gara. Gainditu zure mugak, zure lankideekin elkarlanean arituz.
Zure talentua eta gaitasunak sektore batean baino gehiagotan uztartuko duzu.
