• Ikerketa horrek mesede egingo die denbora errealeko baldintzekin lan egin behar duten industria-sektoreei, hala nola energiari, garraioari eta fabrikei.

IKERLAN zentro teknologikoa eta Intel Labs, Kalifornian (AEB) egoitza duen Intel enpresa multinazionalaren taldea, erdieroaleen diseinuan eta fabrikazioan lan egiten duena, lankidetza-hitzarmen bat sinatu dute etorkizuneko haririk gabeko komunikazio-teknologia industrialak elkarrekin ikertzeko. Elkarrekin lan egingo dute haririk gabeko komunikazio-teknika aurreratuak garatzeko, denbora errealeko aplikazio industrialetara eta denbora aldetik sentikorrak diren beste aplikazio batzuetara bideratutako etorkizuneko wifi konektagarritasunaren belaunaldietan latentzia ultrabaxua eta sendotasun handia ahalbidetzeko.

Eta, ikerketan parte hartuko duen IKERLANeko Komunikazio Sistemen arloko ikertzaile Iñaki Valen arabera, "Fidagarritasun handiko latentzia ultra baxuko komunikazioen beharra dago; hori oso alderdi garrantzitsua da denbora errealeko gaitasunak behar dituzten prozesu industrialetan. Ikerketaren helburua da wifiaren azken gaitasunak aprobetxatzea eta hobekuntza berriak frogatzea errendimendu-parametro zorrotz horiek lortzeko. "

Ikerketa horrek hainbat industria-sektoreri lagunduko die, besteak beste, energiari, garraioari (adibidez, trenbideari) eta fabrikei. Izan ere, egungo industria-komunikazioko sareak haririk gabeko elementuen bidez zabaltzeko aukera emango luke, azken aplikazioaren funtzionaltasunei eta eskakizunei eutsiz.

Industria-komunikazioen alorrean IKERLANek duen ezagutza sendoak, zehazki Wireless SHARPen garapenean —denbora errealean eskakizunak aplikatzeko komunikazio-arkitektura berri bat—, piztu du multinazionalak Arrasaten egoitza duen zentro teknologikoarekin indarrak batzeko interesa. "IKERLANek sei urte daramatza teknologia hori garatzen ikerketa-proiektu, doktore-tesi eta ospe handiko aldizkarietan lehen mailako argitalpenen bidez, eta, gaur egun, soluzio hori nazioarteko merkatura transferitzen ari da", dio Iñaki Valek.

Bere instalazioetan, IKERLANek abangoardiako laborategiak ditu elektronika-, informazio- eta komunikazio-teknologietan, eta, horiei esker, arrakastaz ekin dakieke horrelako ikerketei eta lankidetzei multinazionala bezalako bezero garrantzitsuekin.

Intel Labsekin egindako akordio berri honek berretsi egiten du IKERLANek teknologia industriara transferitzeko erreferentziazko enpresa izaten jarraitzeko konpromisoa, batez ere industriarentzako garapen-aukeren mundua irekitzen duen eremu batean, digitalizazioan, alegia.

IKERLANi buruz

IKERLAN, BRTAko kidea, zentro liderra da teknologiaren transferentzian eta enpresari balio lehiakorra ematen, besteak beste bere ikertzaileen espezializazioagatik. Soluzio integralak eskaintzen ditu, hiru arlo nagusi hauetako hainbat eremu teknologiko uztartuz: Elektronika, Informazio eta Komunikazioko Teknologiak (EIKT); Energia eta Mekatronika. 2017an, IKERLANek AENORen egiaztagiria lortu zuen, bere kudeaketa sistema integralagatik (UNE-EN ISO 9001:2015 eta UNE 166002:2014), zeinarekin zentroak I+G+B alorrean duen bikaintasun maila aitortzen baita. Gaur egun, 360 pertsona inguruk osatzen dute langile taldea.

Miniatura
Helburua da industria-sistemek behar dituzten latentzia ultrabaxu eta sendotasun handiko wifi komunikazio-teknologietan aurrera egitea
Miniatura
seo-url
ikerlan-intelekin-elkarlanean-ari-da-industrian-haririk-gabeko-komunikazioen-etorkizuna-hobetzeko
Id Externo
NOTA-223