Kolaboratzaileen
sarea
Zentro, unibertsitate eta erakunde ospetsuek eratutako kolaboratzaileen sarea, gure ahalmenak indartu eta osatzen dituena.
Euskadiko Adimen Artifizialaren Zentroa, BAIC, euskal industrian AA sustatzeko eta Euskadiko industria arloa adimen artifizialaren gune bihurtzeko helburuarekin sortu da.
Basque Research and Technology Alliance (BRTA) Euskadiko industriak zituen erronkei aurre egiteko eta teknologiaren ikerkuntza eta garapenaren arloan nazioarteko enpresa handienekin lehiatzeko sortu zen. Aliantza handi hau euskal ikerkuntza Europara eta munduko beste hainbat lekutara eramateko baliabide aitzindari bilakatu da.
Eusko Jaurlaritzak eratu zuen Energiaren Euskal Erakundea (EEE) 1982. urtean, eta energia-politikaren oinarriak finkatu zituen. Oinarri horiek, garaian garaiko egoerara egokituta, energia-eraginkortasuna, gure energia-iturrien ugaritzea eta energia berriztagarrien sustapena izan dira. Harez geroztik, Eusko Jaurlaritzak ezarritako politiken ildotik, hainbat egitasmo eta ekimen garatzen dituen euskal energia agentzia da.
Euskadiko Energia Klusterra (EKE), Eusko Jaurlaritzak industria-sarearen lehiakortasuna bultzatzeko abian duen politikari atxikita 1996aren amaieran eratutako irabazi-asmorik gabeko elkartea da.
Egun, 180 enpresak eta erakundek osatzen dute: energia operadoreak, ekipo eta osagaien fabrikatzaileak, ingeniaritza enpresak, zerbitzu enpresak, Zientzia, Teknologia eta Berrikuntzako Euskal Sareko eragileak eta Eusko Jaurlaritzako agentzia publikoak.
Euskadiko Teknologia Elektronikoen eta Informazioaren Industrien Elkartea da GAIA. Sektoreko 260 enpresa baino gehiagok osatzen dute. Elkarlaneko berrikuntzan erreferente izateko asmoa du erantzun lehiakorrak osatu eta abian jarriz. Hauek geure ezagutza eta teknologian oinarrituko dira, hala nola aholkularitza, ingeniaritza, elektronika, informatika, telekomunikazio eta gamifikazioan.
Aeronautika eta espazioaren sektoreko euskal enpresak biltzen dituen irabazi asmorik gabeko elkarte pribatua da HEGAN, sektore hori indartzeko, sustatzeko eta bultzatzeko sortutakoa. Sektorea ordezkatzea eta dinamitzatzea da Kluster Elkartearen misioa, horrela, enpresen eta beste eragile batzuen arteko lankidetzaren eta berrikuntzaren bidez, epe motzera, ertainera eta luzara sektorearen lehiakortasuna sendotzeko, sektoreko dema estrategikoei lankidetzan oinarritutako erantzuna eskainiz.
AFM, Advanced Manufacturing Technologies, Makina-erreminten, osagarrien, osagaien eta erreminten Fabrikatzaileen Espainiako Elkartea, Espainian dauden makina-erreminten eta fabrikazio-teknologia aurreratuen enpresen %90 ordezkatzen ditu.
Eusko Jaurlaritzako Ekonomiaren Garapen, Jasangarritasun eta Ingurumen Saileko erakundea, euskal industria bultzatzea helburu duena.
Zientzia, Teknologia eta Berrikuntzaren Euskal Sareko eragile berezia gara, Eusko Jaurlaritzaren ekimenez 2007an sortua, berari laguntzeko berrikuntza-politika berriak diseinatu, inplementatu eta bultzatzen.
NVIDIA JetsonTM-rekin kolaboratzen dugu, makina autonomoetarako eta beste aplikazio integratu batzuetarako mundu mailako plataforma liderra. Barne hartzen ditu Jetson moduluak, errendimendu txikiko eta handiko faktore konputagailuak, NVIDIA JetPackTM SDK softwarea bizkortzeko eta sentsoreak, SDK, zerbitzuak eta garapena bizkortzeko produktuak dituen ekosistema bat.
Berrikuntza, sustraiak, unibertsaltasuna, sormena, dinamismoa, ikerketa, fidagarritasuna, hurbiltasuna, kanpoarekiko konexioa, irismen luzeko begirada. Horiexek dira Mondragon Unibertsitatearen izaera adierazten duten ezaugarrietako batzuk. Unibertsitate praktikoa, erreala, konprometitua, pertsonen garapenean oinarritua, enpresaren eta gizartearen beharretara bideratua, mundu errealeko erronkei aurre egiteko pentsatua, non ezagutzak eta ezagutzaren aplikazioak ez duten mugarik.
Oronak, IKERLANek eta Mondragon Unibertsitateak bultzatutako ekimen horren helburua da biltegiratze elektrikoko sistemen aplikazio berritzaileei bultzada ematea. Egungo produktu sektore ugari eta negozio nitxo ugari barneratzen du haren bultzada ahalmenak. ORONA Innovation Cityk jarduera horren zati handi bat jasotzen du bere baitan.
Egitasmo publiko-pribatu bat da, eta hauek dira bere trakzio indarrak: MONDRAGON Korporazioa, Mondragon Unibertsitatearen eta 6 zentro teknologikoren ezagutza zientifikoaren babesa, eta maila goreneko erakunde publikoen laguntza.
Saiolan BIC Gipuzkoaren egoitzetako bat da eta errazte funtzioa betetzen du enpresa berritzaile berriak sortzeko prozesuan, eta eragile aktibo ere bada Gipuzkoako kultura ekintzailean laguntza eta sustatze prozesuan.
