Txertatutako System-on-Chip (SoC) arkitekturen araudiaren betetze analisia

Erronka

IKERLANek eta mikroelektronikan munduko liderra den Xilinx enpresak berriz programatu daitezkeen txipetan (FPGA edo Field Programmable Gate Array teknologia darabiltenak) oinarritutako soluzio bat garatu dugu elkarrekin, segurtasun funtzional handiko aplikazioetarako.

Teknologia hau, pertsonak zein azpiegiturak arriskuan jarri barik sistema desberdinetan erabiltzeko egokia dela ziurtatzeko (hala nola balaztatze sistema automatikoa), beharrezkoa izan da aplikazio horiek eta SoC arkitektura aurreratuek (SIL-3, ASIL-D), IEC-61508 eta ISO26262 arauak betetzen dituztela ziurtatzea.

Soluzioa

IKERLANen eskutik, segurtasunean eta arkitekturan adituak diren gure ikerlariak XILINXekin batera izan dira analisi eta segurtasun kontzeptua lantzen, baita HW / SW garapenean ere.

Onurak bezeroarentzat

Lankidetza horri esker, Xilinxek analisi eta ziurtapen prozesu eraginkorra burutu du, entitate ziurtatzaileekin harreman estua mantenduz eta zigiluak eskaintzen duen diferentziala lortuz.

Plataforma hau eskakizun maila handia duten sektore desberdinetan erabiltzeko gai da, hala nola automobilgintzan edo trenbide sektoreetan. Garapen hauei esker XILINX merkatu berrietara iritsi ahal izango da, balio handiko eremu batean, hala nola segurtasun handienekoan.