Potentzia stack-en diseinua 1500V-ko biltegiratze eta zentral fotovoltaikoetarako

Erronka

Zigorrek, bere soluzioen artean, 1.000 V eta 1.5000 V-ko tentsio maximoko eguzki-paneletara bideratutako aplikazio fotovoltaikorako potentzia-bihurgailuen gama zabala eskaintzen du, eguzki-instalazio handien merkaturako. IKERLANetik Zigorrekin lankidetzan aritu gara, 1500 V-ko fotovoltaiko eta biltegiratze sistemen konponbideei erantzuteko gai den potentzia stack berri bat diseinatzen.

Soluzioa

Horretarako, IKERLANek hiru mailako topologian oinarritutako irtenbide bat garatu du. Batez ere, bihurgailuaren potentzia-unitatearen HWaren diseinu osoa landu du zentro teknologikoak, baita taldearen kontrol estrategia ere, Zigorrek jabedun kontrol unitate batean ezarri duena. Diseinatutako azken irtenbidea 333 kVA-ko eta 690 Vac@ 50 Hz-ko irteera eta 1500 V-ko sarrera-tentsioa dituen bihurgailua izan da.

Onurak bezeroarentzat

Ekipoaren proben fasea amaitzen denean, 1500 V-ko soluzioetarako bihurgailu fotovoltaikoen eskaintza hobetzeko gaitasuna izango du Zigorrek, merkatuak gaur egun eskatzen dituen baldintzetara moldatuz.

Proiektu hau bideragarria izan da Hazitek eta Álava Innova programen finantziazioari esker.