Motorren kontrola autobus elektriko eta hibridoetarako

Erronka

Hirietako garraioa azkar aldatzen ari da, gero eta kutsadura gutxiago eragiten duen eta ingurumenaren aldetik gero eta iraunkorragoa den eredu baterantz. Testuinguru horretan, CAF Taldea autobus elektrikoak eta hibridoak eskaintzen ari da errepide bidezko hiri garraiora bideratuta, non beharrezkoa baita trakzio sistema elektrikoaren alderdi ugari lantzea, besteak beste eta modu nabarmenean motorren beraien kontrola.
Soluzioa

IKERLAN, CAF Taldearekin elkarlanean, prestazio handiko estrategia bat garatu eta ezarri du autobus elektriko eta hibridoen trakzio motorren kontrolerako. Estrategia horrekin zehatz kontrolatu daitezke abiadura eta trakzio motorren indar parea, autobusak hartzen dituen abiadura guztietarako. Kontrola simulazio eredu zehatzen bitartez egiaztatu da eta, ondoren, kontrol unitate elektronikoan sartu da bertatik bertara azken balioztatzea egiteko.
Onurak bezeroarentzat

Garapen honen bitartez, CAF Taldeak autobus elektriko eta hibridoetarako kontrol sistema bat dauka, zeinarekin zehaztasunez kontrolatu ditzakeen haien trakzio sistemaren makinak. Kontrol hori funtsezko alderdia da hirietan egunero dabiltzan autobusen energia-efizientzia bermatzeko eta autobus horietan doazen bidaiarien erosotasun handia ziurtatzeko.

Harremanetan jarri

Luis Mir

Potentzia Elektronika alorreko arduraduna

Jarri harremanetan