Privacy-Driven E2E Data Exchange for Value Chains

• ZUZENDARIAK:Jasone Astorga Burgo eta Marc Barcelo Llado
• UNIBERTSITATEA: UPV/EHU

LABURPENA

Digitalizazioa fenomeno geldiezina da, bizitzaren eta gizartearen alderdi guztiei eragiten diena, baita industria-sektoreari ere. Aldaketa horien eragile eta bultzatzaile diren teknologietako bat Internet of Things edo IoT gailuak dira. Izan ere, erabilera industrialerako bereziki pentsatutako IoT gailuei Industrial IoT (IIoT) gailu industriala deitu zaie. Gailu horiek, adimen artifiziala, Cloud konputazioa edo Big Data bezalako beste teknologia batzuekin batera, eraldaketa industriala bultzatu dute eta 4.0 Industria ekarri dute. Eraldaketa industrial honek onura handiak ekarri dizkio ingurune industrialari, baina baita arrisku eta ahultasun berriak ere. Aurreko guztiagatik, ondorioztatzen da funtsezkoa dela 4.0 Industrian transmititutako informazio ororen segurtasuna bermatzeko sistema bat izatea. Plantari dagokionez, segurtasun-irtenbide ugari daude, IEC, ENISA edo ICS-CERT erakundeek arautuak. Hala ere, erregulazioa industria-planta bakoitzaren barruan hedatu beharreko segurtasunean oinarritzen da, eta planten arteko informazio-trukearen babesa, berriz, ez dago hain araututa edo definituta. Beraz, tesi honen helburua informazioa trukatzeko sistema bat diseinatzea da, balio-kate osoa hartuko duena eta datuen konfidentzialtasuna eta osotasuna muturretik muturrera bermatzeko gai izango dena.