MIRAGED

MIRAGEDen helburua da modelo birtualen eta biki digitalen garapenean inplikatutako ikerketa-taldeen gaikuntza hobetzea, modelizazio-, simulazio- eta fabrikazio-prozesuen portaeraren iragarpen-sistemetara aplikatuta.

Lan sarearen barruan hiru jarduera tekniko definitu dira. Lehenengoa “lantegi birtualak” garatzera bideratuta dago, eta fabrikazio-prozesuen portaera simulatzeko ereduak garatzen dira, hala nola beroko konformazioa, soldadura, mekanizazioa, artezketa, indukzio bidezko tenplaketa eta ikuskapen ez-suntsitzailea. Bigarren ikerketa-ildoko aurrerapen teknikoek honako helburu hauek izango dituzte: zerbitzuan akats bat hasiko dela iragartzea, sistemaren arrailduren hedapena eta geratzen den bizitza erabilgarria aurresateko ereduak iragartzea eta portaera dinamikoko ereduak garatzea. Azkenik, hirugarren jarduera izango da aurreko jardueretan garatutako ereduak biki digitaletan integratzea.

gure ekarpena

Ikerlanek, proiektuaren buru izateaz gain, indukzio bidezko tenplatze-prozesua simulatzeko metodo berriak garatuko ditu, baita neke bidezko pitzadurak hasteko eta hedatzeko eredu berriak ere. Azken horiek ekipo-ondasunen biki digitaletan integratzea espero da, zerbitzuan monitorizatzeko eta geratzen zaien bizitza erabilgarria zenbatesteko.