Potentzia Elektronika

Energia elektrikoa funtsezkoa da gure gizartean, baina hori erabili ahal izateko kontrolatu eta transformatu beharra dugu. Potentzia elektronikak modu eragingarrian, seguruan eta malguan egitea ahalbidetzen du potentzia bihurgailuei esker. Gailu horiek diseinatu ahal izateko, elektronikaren eta horiek erabiltzeko amaierako aplikazioaren inguruko ezagutza handiak ditugu. Gainera, beste alderdi batzuk ere ondo ezagutzen ditugu: kontrola, hozketa, diseinu elektromekanikoa eta haiei lotutako sistema elektromagnetikoak.

IKERLANen arlo hori ikertzen dugu fidagarritasunari eta kostuari dagokienez eskakizun maila handieneko prestazioak eta aplikazio ugariek eskatutako gainerako ezaugarri teknikoak betetzea lortzeko.

Lanean erabiltzen ditugun teknologiak

ELEKTROMAGNETISMOA ETA MAKINA ELEKTRIKOAK

Honako hauen diseinu eta garapen integrala:

Makina eta eragingailu elektrikoak
Makina elektrikoen kontrol estrategiak
Kontaktu estatikorik eta dinamikorik gabeko karga sistemak (Inductive Coupling Power Transfer)
Indukzio bidezko beroketako aplikazioak
Induktantziak eta transformadoreak
Diseinu tresna pertsonalizatuak

Erabilitako simulazio tresnak: Flux 2D/3D, Maxwell, Matlab/Simulink, PLECS, MotorCAD

Tren trakzioko, aeronautikako, altxatzeko, energia berriztagarrietako, berokuntza industrialeko eta etxetresna elektrikoetako aplikazioetan (besteak beste) prototipoak eskala errealean garatzea.

POTENTZIA BIHURGAILUAK

Honako hauen diseinu eta garapen integrala:

Topologia gama zabalerako (bi mailakoa, NPC, teilakatuta, erresonantziakoa eta abar) honako hauetan oinarritutako potentzia bihurgailuak: silizioa (Si), silizio karburoa (SiC) eta galio nitruroa (GaN)
Bihurgailuetarako kontrol algoritmoak (modulazioa, kontrol loturak…)
Si, SiC eta GaN-ezko erdieroaleetarako ateko driverrak
Diseinu tresna pertsonalizatuak
Erabilitako simulazio tresnak: Matlab/Simulink, PLECS
Tren trakzioko, automobilgintzarako, aeronautikarako, altxatzeko, energia berriztagarrietarako, sare elektrikoetarako eta abarretarako aplikazioetan, prototipoak eskala errealean garatzea