options
search icon
email icon
EU
rrss gif icons
twitter icon
linkedin icon youtube icon

IK4-IKERLAN sendotu egin da energiaren eta garraio elektrikoaren eremuko erreferentziako zentro gisa

shape

Europar Batasunak, H2020 programaren barruan, 30 milioi euro baino gehiago bideratuko ditu Arrasate-Mondragoneko zentro teknologikoaren partaidetzarekin garatzen ari diren hiru proiektutara

IK4-IKERLAN sendotu egin da energiaren eta garraio elektrikoaren eremuko erreferentziako zentro gisa

23/11/2017

shape
  • Diru esleipen horiek egiaztatzen dute IK4-IKERLANek enpresei teknologia transferitzen egindako ibilbidea
  • Energiaren eta garraio elektrikoaren sektoreko fabrikatzaile eta hornitzailerik garrantzitsuenekin elkarlanean arituko da Gipuzkoako erakundea

 

(Arrasate-Mondragón, 2017ko azaroaren 23a).- IK4-IKERLAN zentro teknologikoa partaide garrantzitsua izango da energiaren kudeaketan eta biltegiraketan dauden erronka nagusietarako irtenbide berrien bila Europar Batasunak egin duen apustuan. Europar Batasunaren laguntza honek egiaztatzen du gure inguruko enpresarik ezagunenei, hala nola Caf, Vectia, Orona, Fagor Ederlan, Iberdrola Renovables eta Cegasa enpresei, teknologia transferitzeko ahalmena.

Horrela, proiektu hauen esleipenarekin IK4-IKERLANek jarraitu ahal izango du lehen mailako ezagutzak eskuratzen eta energiaren eta mugikortasun elektrikoaren eremuan abangoardia teknologikoan egoten.

Zehazki, Arrasate-Mondragóneko erakundea Ghost eta Assured proiektuetako aliatu teknologikoa izango da, zeinarekin garraioaren sektorerako mugikortasun elektrikoko sistema berriak garatu nahi diren. Aldi berean, IK4-IKERLANek industriako efizientzia energetikoa hobetzeko ekimena gidatzen du. ETEKINA izena du ekimenak.

Hiru proiektuak Europako Batzordearen H23020 programaren barruan garatuko dira, eta horretarako 30 milioi eurotik gorako aurrekontua edukiko dute guztira.

 

 

Industria prozesuetako portaera energetikoa hobetzea

IK4-IKERLANek aurrean daukan lehen erronka da ekoizpen prozesuen portaera energetikoa hobetzea, prozesu horietan askatu ohi den beroa berreskuratuz eta berrerabiliz. Horrela, zentro teknologikoak industria ehunaren lehiakortasuna sustatu nahi du.

ETEKINA proiektuaren baitan, zeina 2017an abian jarri baita eta lau urte iraungo baitu, zentro teknologikoa bero trukagailuak garatzeko eta baliozkotzeko lanetan ari da, kaloduktoen teknologia oinarri hartuta, altzairu, zeramika eta ferrosoak ez diren metalen sektorerako. Berreskuratutako beroa industria prozesuetan erabiliko da, prozesuen efizientzia energetikoa hobetzeko, kostu operazionalak gutxitzeko eta CO2 igorpenak minimizatzeko.

Aurreikusten da proiektuaren amaieran gailuak benetako inguruneetan ezarriko direla, hala nola Fagor Ederlanek Arrasate-Mondragónen duen lantegian (aluminioaren sektorea), SIJ Metal Ravne enpresak Eslovenian dituen instalazioetan (altzairuaren sektorea) eta Ceramiche Atlas Concorde Spa enpresak Italian duen plantan (zeramikaren sektorea).

“ETEKINAk utziko digu hainbat sektoretarako industria aplikazioetan efizientzia termikoa hobetuko duten soluzio berriak inplementatzen”, azaldu du Igor Villarrealek, IK4-IKERLANeko energia biltegiraketa eta kudeaketaren arloko arduradunak.

Euskal zentroak koordinatzen ari da ekimena, eta 5,5 milioi euroko aurrekontua dauka. IK4-IKERLAN ez ezik, partzuergoa osatzen dute sektorean erreferente diren enpresa, zentro eta unibertsitateek, hala nola Fagor Ederlanek eta Insertec, Econotherm, Brunel University London, Sij Metal Ravne, Jozef Stefan Institute, Ceramiche Atlas Concorde Spa, University of Modena and Reggio Emilia eta European Science Communication Institute erakundeek.

 

 

Soluzio elektriko berriak garraiorako

IK4-IKERLANek, halaber, zeregin garrantzitsua edukiko du Assured eta Ghost proiektuetan. Helburua izango da garraioaren sektorearen elektrifikazio progresiboa bultzatzea, munduan dagoen etorkizuneko erronketako bat, alegia.

Alde batetik, Assured ekimenak, Vrije Universiteit Brussel (VUB) erakundeak gidatzen duenak, maila handiko erakundeak elkartuko ditu, esaterako, Vectia, Iveco, Volvo, MAN, Irizar, Siemens edo Alstom erakundeak, elkarrekin lan eginez autobus eta kamioietarako potentzia handiko kargagailuen belaunaldi berriak garatzen laguntzeko.

Proiektua aurtengo urrian hasiko da, eta lau urte iraungo du; 18,7 milioi euroko aurrekontua edukiko du, eta energia biltegiratzeko eta kudeatzeko teknologiak garatu nahi ditu, ibilgailuak kargatzeko denbora murrizteko, ibilgailuen autonomia handitzeko eta hirien eskaera asetzeko.

Assured proiektuaren barruan, IK4-IKERLAN biltegiratze sistemen funtzionamendu egokian eragina duten faktore nagusiak aztertzen eta ebaluatzen arituko da. Besteak beste, bateriek beren bizitza baliagarrian pairatzen duten narriadura edo potentzia handiko eragiketetan izaten duten portaera aztertuko du.

Horretarako, zentroa Vectia autobus fabrikatzailearekin (CAF Taldea) eta ABB ingeniaritza enpresarekin arituko da elkarlanean, zerbitzuan karga super azkar egiteko (5 minutu baino gutxiago) soluzioen bitartez autobus % 100 elektrikoen operazioa frogatzeko jardungo duten lantaldeetako batean. Horrek ahalbidetuko du autobus horiek etengabe lanean egotea, beraien autonomia mugatu gabe, eta soluzio horien interoperabilitatea Assured partzuergoa eratzen duten gainerako fabrikatzaileekin.

Gainera, zentro teknologikoak esperientzia zabala eta expertise maila handia dauzka arlo horretan. “Urteak daramatzagu Assured proiektuaren barruan planteatzen diren erronketako batzuk ikertzen, hala nola kudeaketa estrategia optimizatuak, eragiketa kostuen minimizazioa edo biltegiratze sistemen bizitza baliagarriaren luzapena”, ziurtatu du Luis Mirrek, IK4-IKERLANeko Potentziako Elektronikako arloko arduradunak.

Auto elektrikoetarako bateria sistema trinkoagoak, lehiakorragoak eta fidagarriagoak garatzea helburua duen Ghost proiektuaren barruan, berriz, zentro teknologikoak biltegiratze hibridoko gailu aurreratuen garapena gidatuko du. Zentro teknologikoak Arrasate-Mondragónen dituen instalazioetan baliozkotuko dira garapen horiek.

Horretarako, IK4-IKERLANeko ikertzaileak sistemaren arkitekturaren diseinuan arituko dira, eta baterien kontrolerako gailu berri baten integratzen. BMS da gailu berri hori (Batery Management System).

Ghost proiektuak 7,1 milioi euroko aurrekontua edukiko du, eta FIAT autoen fabrikatzaileak gidatuko du. Italiako marka ez ezik, ekimenean ibilgailu elektrikoen fabrikatzaile nagusi asko elkartuko dira, hala nola Toyota eta Iveco, bai eta hornitzaile garrantzitsuak ere, hala nola Infineon eta Valeo.

Aurreikusten da proiektuan garatuko diren soluzioak proiektu pilotu bitan integratuko direla eta Fiat enpresaren ibilgailu elektriko batean eta Iveco konpainiaren autobus elektriko batean aplikatuko direla.

“Ekimen hauekin ezagutzak eskuratzen jarraitu dezakegu, biltegiratze sistemen, potentzia elektronikaren eta energia kudeaketaren alorretan, Europa mailan sektoreko fabrikatzaile eta hornitzaile nagusienen eskutik, gero gure bezeroekin proiektuetan aplikatzeko”, esan du Mirrek amaitzeko.

 

IKERLANi buruz

IKERLAN zentro liderra da teknologiaren transferentzian, ikertzaileen espezializazioan eta enpresari balio lehiakorra ematen, besteak beste bere ikertzaileen espezializazioagatik. Soluzio integralak eskaintzen ditu, hainbat eremu teknologiko uztartuz, hiru esparru handitan: Elektronika, informazio eta komunikazioko teknologiak (EIKT), Energia eta Potentzia Elektronika, eta Fabrikazio Aurreratua. 2017an AENORek, IK4-IKERLANeko kudeaketa integraleko sistema ziurtatu du (UNE-EN ISO 9001:2015 eta UNE 166002:2014), honek zentroari I+G+b alorrean duen bikaintasuna aitortzen dio. Gaur egun, langile taldea 300 pertsona inguruk osatzen dute.

 

 

 

close overlay