Espezializatu nahi baduzu, IKERLANek baliabideak jartzen ditu. Ez duzu topatuko talentu hasiberriaren
balioan gehiago sinesten duen eta hazteko tresnak jartzen dituen lekurik.
IKERLANen tesi bat dugu: zure ideiak garatzen laguntzea, horiek proiektu zehatz bihurtzeko, eta ez da soilik zure etorkizunerako onuragarria, baita ingurune industrialaren eta ikertzaile-komunitate osoaren etorkizunerako ere. Hori da gure tesia. Sendoa, sinplea eta egiaztatua. Zein da zurea?
Zure azken urtean bazaude edo duela gutxi ingeniaritza espezialitateko masterra amaitu baduzu (industria, elektronika, informatika, mekanika eta telekomunikazioak). Ikerketa-proiekturen bat baduzu. Errealitatea sortu nahi baduzu, aldatu, hobetu. Orduan, hau da zure lekua.
IKERLANeko ikerketa-taldeko kide izatea eta punta-puntako teknologietan doktore-tesia egitea eskaintzen dizugu, gure espezializazio-ildoekin bat etorriz. Gure esperientzia, zaintza eta energia eskaintzen dizkizugu, doktoregai trebea izan zaitezen eta errealizatua eta pozik senti zaitezen. Daukagun guztia ematen dizugu, garen guztia.
Erreferentziazko lan-baldintzak egia bihurtzen ditugu: ordainsari lehiakorra izango duzu zure doktore-tesia egiten lagunduko dizun lan-giro gaztean. Malgutasuna eta bateragarritasun bermatua. Ez dira promesa hutsak. Ez dira bla, bla, bla. Onura errealak dira zure eguneroko bizitzarako.
Ordainsari finkoa eskaintzen dizugu, finantzazioaz ez kezkatzeko. Gainera, kostu akademiko guztiak IKERLANen kontura dira, eta zure bazkaria batera finantzatuko dugu.
IKERLANen zure beharretara egokitutako ordutegia izango duzu. Gainera, bi eguneko telelana egiteko aukera izango duzu eta beste egun bat etxetik hurbilen duzun egoitzatik.
Tesia egiten duzun bitartean, hiru edo lau hilabeteko egonaldia egin ahal izango duzu IKERLANek ordainduta, eta biltzarretan parte hartzea finantzatuko dizugu.
Ordutegiak, klaseak, irakasgaiak, tutoretzak... Zure doktorego-ikerketa osoa IKERLANek babestuko du. Helburua prestakuntza benetan espezializatua izatea delako.
DOKTOREAK DIRA IKERLANEN
DOKTORE-TESI MARTXAN
DOKTORE-TESI DEFENDATUTA
DOKTORE-TESI BERRI
Urtero jardunaldi bat egiten dugu, eta bertan gure doktoregai-taldeak tesien aurrerapenak eta esperientziak partekatzen ditu. IKERLANen doktoregai baten bizitza nolakoa den hobeto jakin dezazun, hemen ikus ditzakezu gure bizipenetako batzuk. Zure burua bertan ikusten al duzu?
Zure tesia hiru urteko prestakuntza-bidea da, eta hasiera berri eta ilusionagarri
batean amaitzen da: zure bizitza profesionala IKERLANen.
"IKERLANeko doktoregai bezala, nire esperientzia aparta izaten airi da. Nire doktorego-tesian abangoardiako erronka teknologikoei heltzeko aukera, etengabeko laguntza ematen didaten tutore eta talde baten laguntzarekin, funtsezkoa da nire garapenerako. Gainera, baldintzek eta finantza-babesak IKERLANek bere doktoregaien hazkundearekin duen konpromisoa erakusten dute. Hemen lan egitea, arlo profesionalean aberasgarria izateaz gain, nire bide akademikoan ere baloratuta eta babestuta sentitzen naiz."
"Bigarren urteko doktoretza-ikasle naizen aldetik, IKERLANeko esperientzia oso positiboa izan da. Lanari dagokionez, baliabide onak ditut eta nire ikerketaren arloan esperientzia duten profesionalekin lan egiten dut. Gainera, doktoregai-kopuru handia denez, tesia egiteko bidea atsegingarriagoa da eta babestuago sentitzen zara. Zenbait jarduera egiten dira, hala nola doktoregaien jardunaldia, non ahotsa ematen zaigun gure lanari balioa emanez. Doktoretzaren etapa honetan nire jakintza teknikoa zabaltzen ari naiz, eta nabarmen laguntzen ari zait nire hazkunde pertsonal eta profesionalean."
"IKERLANek aukera eman dit industrian eragin zuzena duten gai interesgarrietan doktoregai moduan espezializatzeko. Hemen giroa gaztea eta oso atsegina da, doktoregai eta ikasle askorekin, bidea askoz errazago egin didatenak. Enpresak behar dudan guztia bermatzen dit doktoregoan bete-betean jarduteko eta probetxurik handiena ateratzeko. Gainera, gainbegiratzen nauten profesional handiei esker, munduko hitzaldi handienaren artikulu onenaren saria irabazi dut nire gaian, eta hori oso azkar esaten da... Azken batean, doktoretza egiteko asmoa baduzu, egizu IKERLANen!"
