options
search icon
email icon
EU
rrss gif icons
twitter icon
linkedin icon youtube icon

IK4-IKERLAN Fagor Automationekin elkarlanean, haren makinen konektibitatea hobetzeko

shape

Arrasate-Mondragoneko zentro teknologikoak, Irontecek eta CodeSyntaxek enpresari lagunduko diote makinak 4.0 industriara egokitzen


02/05/2017

shape

IK4-IKERLAN zentro teknologikoak, Irontec eta CodeSyntax enpresekin batera, akordio bat egin du Fagor Automationekin, berarekin elkarlanean arituta Fagor Automationen makinen konektibitatea hobetzeko eta makinen interfazeak sinplifikatzeko. Arrasate-Mondragoneko enpresak, zeina makina-erremintetarako automatizazio eta kontrol produktuen fabrikazioan eta garapenean liderra baita, garrantzia handia ematen die alderdi bi horiei, makinak 4.0 industriara egokitzeko.

Hurrengo bi urtetan, lau erakundeak elkarlanean arituko dira web teknologiaren bitartez makinen konexioa hobetzeko, eta horren bidez makinen arteko hiperkonektibitatea errazagoa izango da eta munduko edozein kokapenetatik kontrolatu ahal izango dira makinak gailu mugikor edo tableten bitartez.

Fagor Automationen makinak kontrolatzeko eta bistaratzeko sistemak errazagoak eta intuitiboagoak egiten ere saiatuko dira. Asmoa da mundu digitalean erabiltzaile interfazeek eduki duten iraultza industriaren eremura eramatea, izan ere, iraultza horri esker lortu da teknologia hain trebatuta ez zeuden erabiltzaileengana hurbiltzea.

Era berean, aliantza horrek lagunduko du lau erakundeen artean sinergiak sortzen; beraz, haien artean ezagutza fluxua etengabe izatea bilatzen da. Horrela, euren asmoa da 4.0 industriaren eremuan bakoitzak duen posizionamendua indartzea.

close overlay